Парламентарый Аксана Кавалькова: «Беражыце родную мову!»

— Сёння мы адзначаем Дзень беларускага пісьменства! Гэтае свята — даніна павагі нашай вялікай мове, якая стагоддзямі захоўвае і перадае спадчыну беларускага народа. Для нас усіх вельмі важна беражліва захоўваць і развіваць нашу родную мову, з гонарам выкарыстоўваць яе ў паўсядзённым жыцці. Бо беларуская мова ў поўнай меры адлюстроўвае ўсё багацце і глыбіню нашай культуры! Любоў да роднай мовы і беларускага пісьменства будзе садзейнічаць іх развіццю, прыносячы радасць і мудрасць будучым пакаленням.